Fjordavegen 1, 6893 Vik i Sogn, Hjemmekontor ikke mulig
Om jobben
Type ansettelse
Vikariat, heltid 100%
Arbeidsspråk
Norsk
Antall stillinger
1
Søk senest søndag 24. august
Me har ledig
100% vikariat som helsefagarbeidar ved Vik helse- og omsorgssenter. Vikariatet er turnusarbeid med dag-/seinvakter og langvakter kvar 4. helg. Ved ynskje om normalvakter på helg vert det arbeid i gjennomsnitt kvar 3. helg.
Stillinga er ledig frå 01.10.25 og i eitt år, med mogelegheit for oppstart før om det er aktuelt.
Om arbeidsstaden
Kommunen er liten men tenkjer stort, og sjukeheimen er lokalisert i nye, moderne lokale. I tilknyting til sjukeheimen har ein også lokale til heimetenester, psykiatri, institusjonskjøkken, dagtilbod, rehabilitering og omsorgsbustader. VHO er inne i siste byggetrinn, og sjukeheimen har i denne perioden 12 plassar særleg tilrettelagt for somatisk sjuke, 12 plassar særleg tilrettelagt for pasientar med demens, og eitt KAD-rom. Frå om lag mai 2026 står alt ferdig, og sjukeheimen er då samlokalisert med 12 plassar særleg tilrettelagt for somatisk sjuke og 18 plassar særleg tilrettelagt for pasientar med demens, fordelt på grupper på 6 pr gruppe.
Er du oppteken av faget ditt og har ynskje om fagleg og personleg utvikling, ynskjer me at du kjem og arbeidar saman med oss i vakre Vik kommune sine helse- og velferdstenester.
Vik helse og omsorgssenter, sjukeheim yter tenester til alle typar pasientgrupper, og jobbar mellom anna med demensomsorg, rehabilitering og avlastning, samt behandlingar retta mot kroniske, somatiske tilstandar. Me har eitt KAD-rom, og eitt rom særleg tiltenkt lindrande behandling. Me jobbar med alle typar sjukepleiefaglege prosedyrar, og gir både avansert lindrande behandling, intravenøse behandlingar, sårbehandlingar, og mykje meir. Det er tett samarbeid mellom sjukeheim, heimetenestene, psykiatri/rus og rehabiliteringsavdeling. Me har tilsynslege i 1,5 dag per veke på sjukeheimen.
Me tilbyr
Varierte og meiningsfylte oppgåver i eit fagfelt i stadig utvikling.
Mogelegheit for fagleg utvikling og kompetanseheving.
Gode lønnsvilkår.
Dyktige kollegaer og godt tverrfagleg samarbeid.
Gode pensjons- og forsikringsordningar.
Mulegheiter for støtte til relevant vidareutdanning.
Arbeidsoppgåver
Utføra arbeidsoppgåver i tråd med lovverk, rutinar og prosedyrar som gjeld for avdelinga.
Heilheitleg pleie og omsorg, kartleggingar, behandling og observasjon av brukarar, med fokus på brukarmedverknad.
Helsefaglege utfordringar i arbeid med alvorleg sjuke og eldre pasientar.
Arbeid med velferdsteknologiske løysingar.
Bidra til fagleg utvikling og godt arbeidsmiljø i tenesta.
Tverrfagleg samarbeid.
Kvalifikasjonskrav
Autorisert helsefagarbeidar
God norsk munnleg og skriftleg kompetanse
Gyldig politiattest må leggast fram ved tilsetjing.
Personlege eigenskapar
Du er engasjert og positiv
Du er fagleg trygg, modig og raus- og evnar å gjera tenesta, tilsette og brukarar gode
Du likar å arbeide kunnskapsbasert og sjølvstendig og tar ansvar på vakter.
Du har gode kommunikasjonsferdigheiter og evnar å samarbeide i eit tverrfagleg perspektiv
Du er løysingsorientert med god evne til gjennomføring.
Du er ryddig, strukturert og systematisk, og har evne til å arbeide sjølvstendig.
Personlege eigenskapar vil bli vektlagde.
Andre opplysningar
Vik kommune praktiserer meiroffentlegheit. Dersom du ikkje ynskjer at namnet ditt skal offentleggjerast, må du grunngje dette i søknaden.
Søknadsprosedyre
Alle søknader på ledige stillingar i Vik kommune skal registrerast elektronisk. Dokumentasjon på eventuell utdanning og erfaring må leggast ved søknaden.
Dersom du treng hjelp med søknaden, kan du ta kontakt på tlf. 57 69 82 00.
Link til søknadsskjema: Søk her
Kontaktperson for stillingen
Lilly Torget Nesse
Tenesteleiar
+47 90951156
lilly.torget.nesse@vik.kommune.no
Om bedriften
Vik kommune har omlag 2 560 innbyggjarar. Hovudnæringane er landbruk og industri, i tillegg til reiseliv og andre tenesteytande næringar. Vik ligg ved innfallsporten til Stølsheimen landskapsvernområde og er ein av fire vertskommunar for Nærøyfjorden verdsarvområde. Kommunen er elles kjend for eit rikt organisasjonsliv med gode og varierte tenestetilbod. Tenestemålet er nynorsk. Vik kommune er ein stor arbeidsplass med omlag 270 årsverk fordelt på 330 tilsette og eit brutto driftsbudsjett på 385 mill.kr.