Job ID: 30107
Er du oppteken av teknologi og likar å finna ein god veg framover i eit teknologilandskap i endring? Brenn du for å levera gode løysingar i lag med andre? Tykkjer du det er spanande å ta eigarskap til koden din når kundane tar den i bruk?
Då kan du vera den me i Nordea Liv ser etter. Me satsar på utviklingsmiljøet vårt og søkjer no fleire dyktige menneske som vil vera med på å byggja vår framtidige forretningsplattform her i Bergen.
Me er godt i gang med vår fullstendige ombygging av kjernesystema. Me har sett oss ein ambisiøs, men realistisk, tidsplan på omlag fem år på å fullføra prosessane me har starta. Her vil du gå inn som ein senior med utstrakt ansvar og moglegheit for å hjelpa oss å finna ein god veg framover.
Hjå oss vil du gå inn i eit av fem kryssfunksjonelle utviklingsteam som jobbar etter Scrum. Utviklingsteama våre er delt mellom Oslo og Bergen, og me har ein hybrid arbeidsplass med hovudvekt på å møtast på kontoret. Utviklingsspråket vårt er hovudsakleg Java og Kotlin, med nokre front end-ar skreve i Java-rammeverk, Angular eller HTMX. Hovudvekta av back end-løysingar er REST API, men me har og nokre basert på Kafka.
Om du er den rette kandidaten trur me følgande kan beskriva deg:
- Nysgjerrig teknolog som er oppteken av å levera verdi til kundar
- Engasjert kollega som tør utfordra etablerte sanningar og rutinar
- God på kommunikasjon, som både kan setja retning og samarbeida godt på alle nivå
Ynskja kvalifikasjonar
- Relevant høgare utdanning innan IT
- Erfaring med API-utvikling og -bruk
- Erfaring med smidige utviklingsmetodar
- God munnleg og skriftleg kommunikasjon på norsk/skandinavisk og engelsk
Våre verdiar – Collaboration, Ownership, Passion og Courage – er viktige for oss og dei støttar oss i å yta vårt beste. Me forventar at du òg støttar desse.
Om arbeidsgjevaren
Hjå oss i Nordea Liv er du med på å støtta enkeltpersonar og bedrifter med å realisera deira ambisjonar knytt til langsiktig sparing og livsforsikring. Me hjelper enkeltpersonar når dei står ovanfor livsendrande situasjonar og sikrar at bedrifter dekkar deira behov for pensjonane til dei tilsette.
Nordea Liv er det tredje største selskapet i det private livs- og pensjonsforsikringsmarknaden i Noreg. Selskapet tilbyr tenestepensjon, livsforsikring og spareprodukt og forvaltar 200 milliardar kroner for 30.000 bedriftar og 700.000 privatpersonar. Saman utgjer me ein stor forskjell for mange.
Me byggjer grunnlaget for dei finansielle løysingane for framtida. Me designar vår framtidige verksemd og moderniserar applikasjonslandskapet vårt for å levera gode, digitale kundeopplevingar til alle våre kundar. Me tykkjer dette er svært spanande, og håpar at akkurat du òg vil gjera det same.
Les meir om oss på https://nordealiv.no/
Om du tykkjer det er spanande å skrota noko gamalt og bygga noko nytt – ta gjerne kontakt så kan me fortelja endå meir om denne reisa!
Hvis du synes denne beskrivelsen passer på deg, så ta kontakt!
Neste steg
Send inn søknaden din senest 31/08/2025. Hvis du vil ha mer informasjon, kan du kontakte Head of Software Development, Njål Nordmark på njal.nordmark@nordea.com.
I Nordea veit me at ein inkluderande arbeidsplass er ein berekraftig arbeidsplass. Me trur på at ulik bakgrunn, erfaring, eigenskapar og karaktertrekk bidreg til at me betre tar oss av våre kundar og samfunnet vårt. Så ver deg sjølv!
Studiar viser at medlemmar av underrepresenterte grupper ofte ikkje søkjer på stillingar med mindre dei oppfyller alle kvalifikasjonskrava. Dersom dette er ein av grunnane til at du nølar, oppmodar me deg til å gje det ein sjanse likevel. Kanskje passar profilen din betre enn du trur.