Vil du vere med og bygge Noregs beste sparebank – og gjere ein forskjell i Sunnfjord?

I Sparebanken Norge er vi i gang med å forme framtidas sparebank. To solide, verdibaserte bankar har blitt til éin – og sammen skal vi skape den beste og største sparebanken i landet. Hos oss handlar det om folk – både kundane og kollegaene våre. No ser vi etter ein rådgjevar til kontoret vårt i Førde. Kanskje er det deg?

Om kontoret og gjengen

Her er vi elleve engasjerte kollegaer: fem jobbar med personkundar, fire med bedriftskundar – og to dyktige eigedomsmeklarar som sit tett på laget. Vi har ulik bakgrunn og erfaring, men felles for oss er at vi bryr oss – både om kvarandre og om dei vi jobber for.

Miljøet vårt er prega av engasjement og driv. Vi likar å sette oss mål og jobbe målretta – både kvar for oss og saman. Mange av oss triggar på resultater og konkurranse, men vi er minst like opptatte av å spele kvarandre gode og støtte kvarandre i kvardagen.

Utanfor kontoret finn vi på mykje kjekt. Nok vår treningsøkter saman, andre stiller lag i fotballturnering, dreg på hyttetur eller samlast til eit uformelt badmintonslag. Det viktigste er ikkje kva vi gjer – men at alle føler seg velkomne og inkluderte.

Vi er tett på kundane våre – både i møte på kontoret og ute der dei er. I tillegg er vi stolte av å få dele ut gåvemidlar til lokale prosjekt og tiltak i Sunnfjord. No ser vi blant anna fram til å bidra under VM i vektløfting – eit arrangement vi er glade for å støtte.

Kva handlar jobben om?

Som rådgjevar for personkundar blir du ein viktig støttespiller for folk i ulike livssituasjonar. Du får ansvar for di eiga portefølje, og jobbar også med å bygge nye relasjonar. Gjennom gode samtalar gir du råd om bustadlån, sparing, forsikring og meir – og hjelper kundane å ta smarte valg for både kvardagen og framtida.

Du møter folk både fysisk og digitalt, og får brukt både fagkunnskap og sosiale antenner. I tillegg blir du ein viktig del av fellesskapet vårt – vi lærer av kvarandre, delar erfaringar og spiller kvarandre gode.

Kven er du?

Du kan ha erfaring frå rådgjeving, kundeservice eller sal – men det viktigste er at du bryr deg om folk og vil gi dei gode opplevingar. Kanskje har du utdanning innen økonomi, kanskje har du jobba med noko heilt anna. Vi er nysgjerrige på kven du er – og kva du kan tilføre laget.

Du passer godt hos oss om du:

• er trygg i møte med folk og flink til å forklare ting på en enkel måte – kundane skal kunne forstå vala sine uten å vere ekspertar på økonomi
• trivst med ansvar og liker å jobbe strukturert og målretta – du likar å ha oversikt, setje deg mål og sjå resultat
• er lærevillig og nysgjerrig – vi er i ein bransje i endring, og du må like å utvikle deg

Du er gjerne autorisert innen kreditt, sparing og forsikring – eller har lyst til å bli det. Vi hjelper deg i mål!

Og du? Du treng ikkje kunne alt frå dag éin. Det viktigste er at du har rett innstilling. Vi stiller med god opplæring og tett oppfølging fra start.

Kva får du hos oss?

I Sparebanken Norge får du meir enn ein jobb. Du blir del av ein framtidsretta bank som er tett på både kundar og kollegaer – og som gir deg plass til å påverke og utvikle deg.

Hos oss får du:

• ein god start gjennom "Sterk start"-programmet vårt
• kollegaer som backer deg og heiar på deg
• utviklingsmoglegheiter – både fagleg og personleg
• ein jobb der du faktisk betyr noko – for kundar, kolleger og lokalsamfunnet

Du blir ein del av det tverrfaglige miljøet vårt i Førde, der vi jobbar tett sammen for å gi kundane våre god og relevant rådgjeving. Vi er stolte av å vere ein lokal bank – og stolte av å vere til stades når det gjeld.

Klar for å bli med på laget?

Vi håper å høyre frå deg – enten du har lang erfaring eller ser etter din første faste jobb. Vi behandlar søknadar fortløpande, så ikkje vent for lenge!

Spørsmål?
Ta kontakt med banksjef Cathia Baarøy for ein uforpliktende prat – vi tar gjerne ein telefon eller ein kopp kaffi.

Contact person