Askedalen 4, 6863 Leikanger, Hybridkontor
Om jobben
Stillingstittel
Avdelingsdirektør
Type ansettelse
Fast, heltid 100%
Arbeidsspråk
Norsk
Antall stillinger
1
Søk senest mandag 1. september
Om stillinga
Vi søkjer ein avdelingsdirektør som vil bidra til innovasjon og utvikling i Distrikts-Noreg.
Som leiar i Avdeling for tenester i lokalsamfunn, vil du mellom anna ha ansvar for arbeid med distriktskommunar si evne til innovasjonsarbeid, næring- og bustadutvikling i distrikt. Du vil også få ansvar for forvaltning og vidareutvikling av Merkur-programmet - ei kompetanse og tilskotsordning for små butikkar i distrikta. Avdelinga har 10 medarbeidarar og følgjer opp 10 eksterne konsulentar som har butikkar og kommunar over heile landet som målgruppe.
Stillinga har kontorstad på Leikanger i Sogndal, men du vil ha ansvar for medarbeidarar på alle dei tre kontora våre, i Sandnessjøen, Steinkjer og Leikanger.
Avdelinga har tett samarbeid med kommunar, fylkeskommunane, statsforvaltarar over heile landet, og jobbar saman med andre statlege verksemder som t.d. Husbanken for å utvikle kunnskap, arbeidsmåtar og verkemiddel som skal utgjere ein forskjell for brukarane våre.
Som avdelingsdirektør vil du få ansvar for å:
styrke samhandlinga mellom statlege, kommunale og private aktørar for utvikling av eit framtidsretta tenestetilbod i distrikta.
forvalte og vidareutvikle Merkur-programmet.
delta aktivt i leiargruppa og bidra til ein samordna og godt koordinert organisasjon.
sikre kvalitet i avdelinga sine leveransar og vere pådrivar for kunnskapsutvikling.
å leie engasjerte kunnskapsmedarbeidarar.
Vi ser etter deg som:
har relevant høgare utdanning på masternivå. I særskilde tilfelle kan relevant erfaring kompensere for utdanningskravet.
har solid leiarerfaring, helst frå offentleg sektor.
kjenner kommunen, fylkeskommunen og statsforvaltar sine roller som samfunnsutviklarar godt.
lar deg engasjere for god samfunnsutvikling i distrikta.
Personlege eigenskapar vi legg vekt på:
Du er ein løysingsorientert, tydeleg og trygg leiar.
Du er analytisk og strategisk i dine prioriteringar.
Du har har gode samarbeids- og kommunikasjonsevner.
Du kjenner deg att i verdiane våre – kompetent, engasjert og folkeleg.
Det er en fordel om du har:
Innsikt i korleis digitalisering kan bidra til nye løysingar og effektivisering.
Meir om Distriktssenteret
Distriktssenteret skal styrke distriktskommunar si evne til innovasjon- og utviklingsarbeid, og distriktsbutikkar si overlevelsesevne. Som statleg kompetansesenter er det vår oppgåve å utvikle kunnskap, verktøy og metodar til bruk i utviklingsarbeid.
Distriktssenteret er styrt av Kommunal- og distriktsdepartementet, og har også som oppdrag å levere kunnskap til vidareutvikling av dei distriktspolitiske verkemidla departementet har ansvar for.
Alle kontora våre er moderne og er godt tilrettelagt for ein fleksibel arbeidskvardag. På Leikanger held vi til i Askedalen saman med Digitaliseringsdirektoratet og Statens Vegvesen.
I Distriktssenteret får du:
godt arbeidsmiljø med dyktige og engasjerte medarbeidarar
ei spennande leiarstilling med nasjonalt samfunnsoppdrag
varierte arbeidsoppgåver der utviklingsarbeid og tett samarbeid med lokale, regionale og nasjonale aktørar er prioritert
fagleg utvikling, fleksibel arbeidstid og familievennleg personalpolitikk
trening i arbeidstida
medlemskap i Statens pensjonskasse, som er ei av landets beste pensjonsordningar
konkurransedyktig løn
Gjer deg meir kjent med oss på distriktssenteret.no
Dersom det er kvalifiserte kandidatar med funksjonsnedsetting, hol i CV-en eller innvandrarbakgrunn, kallar vi inn minst ein søkjar i kvar gruppe til intervju.
Dersom du ønskjer å reservere deg frå å bli ført opp i offentleg søkjarliste, må du forklare kvifor. Opplysningar om deg kan bli gjort offentleg sjølv om du har bede om å ikkje stå på søkjarlista. I så fall vil vi varsle deg først.
Kontaktperson for stillingen
Marit Mellingen
Direktør
+4747252209
[email protected]
Om bedriften
Distriktssenteret er ei statleg verksemd som jobbar for å styrke kommunar og regionar si evne til å utvikle attraktive og vekstkraftige lokalsamfunn. Bygdeutvikling gjennom butikkutvikling står sentralt i dette arbeidet med Merkur-programmet som eit viktig verktøy.
Vi er 28 tilsette fordelt på kontor i Sandnessjøen, Steinkjer og Leikanger og har heile Distrikts-Noreg som arbeidsområde.
Tenkjer du at du er den rette for stillinga? Ikkje nøl med å sende ein søknad!
Sektor
Offentlig
Nettsted
https://distriktssenteret.no/
Annonsedata
Stillingsnummer
f8a66b6f-c3c1-40d2-84d4-53fc1b00baec
Hentet fra
jobbnorge
Referanse
10259163
Report job
