Øygarden rådhus, Foldnesvegen 1, 5354 Straume
Om jobben
Stillingstittel
Fagutviklar 100% mellombels
Type ansettelse
Vikariat, heltid 100%
Arbeidsspråk
Norsk
Antall stillinger
1
Søk senest mandag 18. august
Barneverntenesta i Øygarden er organisert under kommunalsjef for Oppvekst. Tenesta har 57 stillingar og er delt inn i team for einslege mindreårige flyktningar, mottak, tiltak/undersøking, miljørettleiarar, ettervern, omsorg og stab. Det er stort fokus på å utvikle sjølvstende gjennom teamarbeid. Samhandling på tvers av dei ulike hjelpeinstansane skal prege kommunen sitt samla tenestetilbod.
Vi søkjer:
Fagutviklar for avdeling omsorg – 1 års vikariat i 100 % stilling, med moglegheit for forlenging
Har du lyst til å bidra til utviklinga av framtidas fosterheimsomsorg i Øygarden barnevernteneste? Brenner du for barnevernsfaget, er fagleg engasjert og har sterk driv for implementering og utviklingsarbeid? Som fagutviklar i vår teneste får du ei sentral rolle i vidareutviklinga av ei fosterheimsomsorg som byggjer på heilskap, samanheng, systematikk og individuell tilrettelegging – med barnet sitt behov i sentrum.
Vi søkjer ein trygg og erfaren fagperson som trivst i fagleiarrolla og evnar å kombinere solid barnevernsfagleg forståing med tydeleg støtte til kollegaer i krevjande vurderingar og komplekse prosessar. Du anerkjenner kontaktpersonane som tenesta si viktigaste ressurs, og blir motivert av å spele andre gode – gjennom fagleg rettleiing, struktur og god relasjonsleiing. Har du eit brennande engasjement for å konkretisere eit komplekst fag, fremje trygge menneskemøte og forsvarleg forvaltning i tråd med lovverk og faglege føringar – samstundes som du verdset tverrfagleg samarbeid og tydelege rutinar – trur vi denne stillinga vil passe deg godt.
Med utgangspunkt i ordtaket «It takes a village to raise a child» har Øygarden utvikla ein systemisk modell for oppfølging av barn som bur i fosterheim og deira næraste. Landsbymodellen handlar om å styrke kommunikasjon og samarbeid mellom alle dei vaksne rundt barnet – både private og profesjonelle relasjonar. Modellen byggjer på trua på at ein i fellesskap kan mobilisere ressursar i nettverket rundt familien for å hjelpe barn og familiar.
Landsbymodellen skal, gjennom solid fagleg forankring og god forvaltningspraksis, bidra til å byggje trygge fagpersonar i det kommunale barnevernet. På den måten skal ein styrke og stabilisere den barnevernfaglege og juridiske oppfølginga av barn, foreldre og fosterforeldre.
Barneverntenesta legg stor vekt på eit sterkt fagmiljø, og vi ønskjer å levere tenester av høg kvalitet til barn og familiar i ei lærande organisasjon. Vi er stolte av arbeidet vårt, og vår grunnleggande haldning er at barn og familiar er ekspertar på eigne liv – barn skal bli høyrde, og deira meining skal komme tydeleg fram i alle prosessar.
Stillinga krev eit sterkt engasjement for forvaltning og implementering, då fagutviklar-rolla vil ha utvida ansvar for vidare implementering av Landsbymodellen i omsorgsavdelinga.
Stillinga vil òg ha prosjektleiaransvar for to utviklingsprosjekt i samarbeid med to andre kommunar. Begge prosjekta er inne i implementeringsfasen, med hovudfokus på strukturerte implementeringsprosessar i eiga teneste. Som fagutviklar vil du vere ein del av tenesta sitt leiarteam.
Vi søkjer deg som er fagleg nysgjerrig, nytenkjande og relasjonelt modig. Du må trivast i eit høgt tempo, vere god på koordinering og ha glede av å rettleie kollegaer.
Du vil få:
Ta del i eit fagleg innovativt og engasjert arbeidsmiljø med ambisjonar om å vere eit fyrtårn i norsk fosterheimsomsorg
Høve til å fordjupe deg i barnevernsfaget og bidra til å løfte tenesta sitt arbeid innan fosterheimsomsorg
Fagleg rettleiing og oppfølging i rolla som fagutviklar og prosjektleiar gjennom læringsnettverket
Vi treng at du har:
Sosialfagleg grunnutdanning, samt relevant vidareutdanning / høgare akademisk utdanning
God kjennskap til barneverntenesta sitt forvaltningsansvar
Bred erfaring og inngåande kunnskap om oppfølging av barn og familiar der fosterheim er tiltak
Inngåande kjennskap til barnevernsfagleg metodikk, forvaltning og erfaring frå fosterheimsomsorg
Evne til å vere innovativ, initiativrik og handlekraftig
God oversikt over fagfeltet og aktuell forsking
Gode munnlege og skriftlege formidlingsevner
Evne til å jobbe proaktivt og sjølvstendig, både individuelt og i team
Engasjement for å finne innovative løysingar og omsetje komplekst fag til praksis
Det blir verdsett om du i tillegg har:
Erfaring frå anna fagutviklingsarbeid innan barnevern
Eit genuint engasjement for utviklingsarbeid i fosterheimsomsorg
Høg grad av fleksibilitet og gode samarbeidsevner
Det blir lagt avgjerande vekt på personlege eigenskapar og korleis du passar inn i vårt faglege grunnsyn og personalmiljø
Arbeidsoppgåver som fagutviklar i avdeling omsorg:
Overordna ansvar for fagutvikling i avdelinga
Ansvar for implementering av Landsbymodellen i avdelinga
Deltaking i internkontroll
Prosjektleiar for to utviklingsprosjekt i læringsnettverket til Statsforvaltaren i Vestland
Vere ein del av tenesta sitt leiarteam, med fokus på realisering og oppfølging av tenesta sine strategiar
Tett samarbeid med relevante fag-, utdannings- og forskingsmiljø
Samarbeid med andre tenester innan oppvekstfeltet
Identifisere utviklingsområde som styrkjer kvalitet og effektivitet i tiltak og arbeidsprosessar
Vere oppdatert på nasjonale føringar, kunnskapsutvikling og forsking innan barnevern, og bidra til at tenesta tilpassar praksis i tråd med dette
Andre oppgåver kan bli tillagt stillinga ut frå framtidige behov i tenesta
Vi tilbyr:
Gode pensjons- og forsikringsordningar
Motiverte og kunnskapsrike kollegaer
Interessante utfordringar
Høve til fagleg og personleg utvikling
Kontaktperson:
Einingsleiar Hege Gundersen
Telefon: 934 84 846
E-post: [email protected]
Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.
Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.
Link til søknadsskjema: Søk her
Kontaktperson for stillingen
Hege Gundersen
+47 93484846
[email protected]
Om bedriften
Øygarden kommune er den nest største kommunen i Vestland fylke med om lag 39 850 innbyggjarar og om lag 2 800 tilsette. Straume er kommunesenter (ca. 15 minutt køyring frå Bergen) med kommunedelsenter på Rong og i Skogsskiftet. Administrasjonsspråket i Øygarden er nynorsk. Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.
Sektor
Offentlig
Annonsedata
Stillingsnummer
5dba5983-c54e-4994-a9dc-ae851d1415de
Hentet fra
visma-easycruit
Referanse
3529663_192483_nn
Report job
