Nedre Strandgate 50, 6005 Ålesund, Strandgata 2, 6415 Molde
Om jobben
Stillingstittel
Forebygger innen partner- og æresrelatert kriminalitet
Type ansettelse
Fast, heltid 100%
Arbeidsspråk
Norsk eller engelsk
Antall stillinger
1
Søk senest søndag 7. september
Om stillinga
Vi har ledig fast stilling som førebyggjar, for tida med fagansvar innan partnar- og æresrelatert vald, ved Felles eining for etterretning, førebygging og etterforsking (FEFE), seksjon for førebygging.
Stillinga inneber arbeid med risikovurdering og førebygging av partnar- og æresrelatert vald ved å koordinere og rettleie politidistriktet sin samla innsats i desse sakene. Stilinga vil også bidra inn i trusselgruppearbeidet til politidistriktet.
Du vil samarbeide med andre etatar, og bidra til kompetanseheving og auka kunnskap innan fagfeltet, både internt og eksternt. I stillinga får du ansvar for rettleiing i etterforsking og førebygging av vald i nære relasjonar på individ og samfunnsnivå.
FEFE består av seksjon for Statens barnehus, seksjon for etterretning og analyse, seksjon for førebygging og seksjon for etterforsking. Stillinga er for tida organisert ved seksjon for førebygging. Oppmøtestad er anten Molde eller Ålesund, evt. andre lokasjonar etter nærmare avtale. Reiseverksemd må påreknast.
Dette ser vi etter hos ein ny medarbeidar
Vi ser etter deg som er motivert, framoverlent og interessert i førebygging av vald, særleg familie-, partner og æresrelatert vald. Du vil trivast med å arbeide systematisk og analytisk med risikovurderingar, også innanfor saker der trusselgruppa har ansvar.
Vi stiller høge krav til fagleg kompetanse, motivasjon, arbeidsmoral og etisk integritet. Evna til å vere trygg, nærverande, lydhøyr og dessutan å byggje tillit til publikum, er avgjerande for suksess i organisasjonen vår.
Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.
Arbeidsoppgåver
Bidra til einsarta saksbehandling innanfor vald i nære relasjonar og æresrelatert kriminalitet
Rettleie og kvalitetssikre saker innan fagområdet på etterforskning, etterretning og primært førebyggjande
Bidra i trusselgruppa sitt arbeid med risikoanalyser ved behov
Halde deg fagleg oppdatert innan området og vere pådrivar for utvikling av metode- og verkemiddelbruk
Setje i verk gode og formålstenlege rutinar for samarbeid og praksis
Vere rådgjevar og kontaktperson for kompetanseheving og erfaringslæring i samarbeid med interne og eksterne etatar
Gjennomføre opplæring av personell i politidistriktet i samarbeid med politidistriktet sine fag- og opplæringsansvarlege
Kan påleggjast andre arbeidsoppgåver
Kvalifikasjonar
Dette må du ha for å vere kvalifisert:
Fullført og bestått politihøgskule/politiskule
Fenomenkunnskap om vald i nære relasjonar og æresrelatert vald
Minimum fire års arbeid i politiet
Gode språkkunnskapar, både munnleg og skriftleg. Minimum innan norsk og engelsk
Gode ferdigheiter innan politiet sine datasystem
Krav om sikkerhetsklarering og autorisering til BEGRENSET
Det er også ønskjeleg med:
Kompetanse og erfaring innan førebygging
Erfaring innan etterforsking og førebyggande risikoanalyse og risikohandtering
Etterretning modul 1 - introduksjon
Kompetanse innan kulturforståing og mangfold, konflikthandtering og kriminalitetsførebygging, samt undervisning eller rettleiiing
Erfaring med førebyggjande risikoarbeid og bruk av verktøya SARA og Patriark
Gode evner til å kommunisere på andre språk
Plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jf. politiloven § 18 og politiregisterloven § 41. Ved søknad på stillinga må ein rekne med at det blir henta inn opplysningar frå enkelte av politiet sine register og system til bruk i vandels- og skikkaheitsvurderinga.
Personlege eigenskapar
Evne til samhandling med interne og eksterne aktørar/etatar
God gjennomføringsevne
Løysingsorientert
Gode kommunikasjonsevner
Sjølvstendig og ansvarleg
Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og om medarbeidarplattformen her.
Dette kan vi tilby om du vel oss
Ein utfordrande og spennande arbeidsplass for deg som vil vere med og forme politiet for framtida
Stillinga blir lønna som politioverbetjent, stillingskode 0287, frå kr. 640 000 til kr. 700 000
Godtgjersle etter gjeldande ATB belastande unntak på kr. 42 824 og tillegg for eventuell turnusteneste
For særskilt kvalifiserte kan noko høgare lønnsplassering bli vurdert
Du vil bli medlem i Statens pensjonskasse som gir deg mange gode. Les meir om tilsettingsgoda dine på spk.no/medlemskap-i-spk.
Det blir trekt to prosent frå løna til innskot i Statens pensjonskasse
Fleksibel arbeidstid og mogelegheit for trening i arbeidstida
Møre og Romsdal politidistrikt er ei IA-bedrift og er knytt til bedriftshelseteneste
Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.
Mangfald i politiet
Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.
Les meir om positiv særbehandling når ein søkjer jobb i staten her.
Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.
. Video: https://www.youtube.com/watch?v=uUTjHmSB_Wc
Slik søkjer du
Du søkjer ved å skrive eit kort søknadsbrev, registrere utfyllande CV og legge ved relevante vitnemål og attestar.
Opplysningar om deg kan bli offentleggjort sjølv om du har oppmoda om ikkje å bli ført opp på søkjarlist. Dersom oppmodinga ikkje blir tatt til følgje, vil du bli varsla om dette.
Kontaktperson for stillingen
Arild Helland
Seksjonsleder Forebyggende
+4741440486
[email protected]
Om bedriften
Mellom hav, fjordar og fjell finn du Møre og Romsdal politidistrikt som er eitt av 12 politidistrikt i Noreg. Vi femnar om eit område på 15 099 kvadratkilometer med ei befolkning på om lag 270 000 menneske. Majestetiske fjellområde som Trollheimen, Romsdalsfjella, Sunnmørsalpane og Tafjordfjella set naturlege avgrensingar i fylket og politidistriktet. Ein stor del av befolkninga bur langs kysten og på øyar. Dei tre største byane, Ålesund, Molde og Kristiansund, er regionsenter for høvesvis Sunnmøre, Romsdal og Nordmøre. Politidistriktet har også kontinentalsokkelberedskap frå Stad til Helgeland.
Politidistriktet med om lag 650 tilsette, vert leia av politimeister Ingar Bøen som har hovudsete i Ålesund. Vi er organisert i to geografiske driftseiningar med til saman 18 politistasjonar og sommaråpen politistasjon i Geiranger. I tillegg har vi fire funksjonelle driftseiningar. Det er felles eining for påtale, felles eining for operativ teneste, felles eining for etterretning, førebygging og etterforsking, og felles eining for utlending, forvaltning og sivil rettspleie. I tillegg kjem PST og tre leiarstøttestabar; kommunikasjon, verksemdstyring og HR/HMS.
Sektor
Offentlig
Annonsedata
Stillingsnummer
513ca089-173a-44d3-bf48-e9335b06d692
Hentet fra
jobbnorge
Referanse
10260538
Report job