Om stillinga
Har du ledig tid i helgane og ønskjer å tene litt ekstra, samstundes som du kan gjere noko meiningsfullt for både deg sjølv og andre?
Vi søkjer engasjerte og omsorgsfulle medarbeidarar til teamet vårt i Gloppen heimeteneste
Heimetenesta i Gloppen er fordelt på tre områder; Sandane, Breim og Hyen. Vi yter heimebaserte tenester til brukarar i alle aldersgrupper. Hjå oss er du i eit team med både sjukepleiarar, helsefagarbeidarar, hjelpepleiarar og pleiemedarbeidarar.
Vi arbeider tverrfagleg for å kunne tilby brukarar gode tenester som er basert på kvalitet. Vi ynskjer å bidra til at pasientane skal oppleve meistring i kvardagen, og tilbyr kvardagsrehabilitering samt velferdsteknologi.
Som tilsett hjå oss vil du få ein variert og meiningsfylt arbeidskvardag i eit godt arbeidsmiljø med dyktige og engasjerte kollegaer.
Du vil få opplæring/kurs og høve til utvikling innan fleire spennande fagfelt!
Tilsetting snarast.
Nøkkelinformasjon
Arbeidsoppgåver
Ivareta og gje omsorg og pleie til brukarar i omsorgsbustadar og i heimane. Som personleg hygiene, ernæring, fysisk aktivitet m.m
Observere og vurdere, samt rapportere til sjukepleiar/helsefagarbeidar ved endringar
Dokumentasjon
Samhandling med brukar, pårørande og kollegaer
Utføre sjølvstendige og delegerte oppgåver i eit arbeidsfellesskap.
Fagoppdrag etter utdanning , eller kvar ein evt er i utdanningsløpet
Kvalifikasjonar
- Du som har interesse for faget og som har eit sterkt ynskje om å bidra til ein god kvardag for brukarane våre.
- Vi ser etter deg som har utdanning i helse eller deg som ynskjer å prøve deg i omsorgsyrket sjølv utan fagkompetanse eller påbegynt helseutdanning.
- Erfaring frå anna jobb innanfor helse er ein fordel , men ikkje eit krav.
- Førarkort personbil er nødvendig for å kunne arbeide ute i tenesta, men er ikkje nødvendig for arbeid på bukollektiv.
- Du må kunne snakke godt norsk.
Personlege eigenskapar
- Du må vere ansvarsbevisst
- Ha evne til å samarbeide
- Du må kunne jobbe sjølvstendig
- Du er engasjert, positiv og set brukarane sine behov i fokus
- Du evnar å omstille deg raskt
- Du må takle ein uforutsett arbeidskvardag
- Du har gode haldningar og kan bidra med arbeidsglede
Vi tilbyr
- Trivlege kollegaer og godt arbeidsmiljø
- Ein spennande og lærerik arbeidsplass
- Helgestilling 17 - 20 % ( 2. kvar helg eller 3. kvar helg)
- Tilsetting, lønn og arbeidsvilkår i samsvar med gjeldande lovverk, reglement og tariffavtale.
- For tilsetting gjeld ei prøvetid på seks månader
- Ein god praksis om ein er nyskjerrig på utdannning innan helse
Det må leverast tilfredsstillande politiattest før tiltreding.
Adresse: Grandavegen 9, 6823 Sandane
Kontaktinformasjon
Om arbeidsgivaren
Gloppen kommune, med Sandane som kommunesenter, har om lag 5.800 innbyggjarar og er ein del av Nordfjord sin felles bu- og arbeidsmarknad på 40 – 50.000 menneske. Flyplassen i Nordfjord - Sandane lufthamn - ligg i Gloppen, og vi har gode kommunikasjonar til resten av fylket og landet.
Kommunen har eit stort og aktivt miljø innan musikk, idrett og kultur, og kommunen har vore kåra som både årets kulturkommune og årets musikkommune. Vi har flott natur og det er godt tilrettelagt for friluftsliv sommar som vinter. Vi har symjehall, idrettshall, kino og konsertsal. Fine forhold for stisykling. Her er alpinsenter og fleire langrennsløyper.
Gloppen har gode barnehagar og skular, og gode offentlege tenester. Kommunen har i tillegg til grunnskule og kulturskule også folkehøgskule og vidaregåande skule. Næringslivet i kommunen er variert og prega av optimisme.
