Om stillinga
Er du vår nye kollega? På grunn av auka behov for teneste er vi no på utkikk etter nye medarbeidarar. Vi har ledig fem faste stillingar med arbeid kvar fjerde helg. Tiltredning 01.09.25 eller etter avtale.
Miljøarbeidertenesta yter i dag teneste til omlag 60 brukarar med utviklingshemming og/eller psykiske lidingar. Vi har ca. 70 årsverk fordelt på åtte avdelingar. Her arbeider sjukepleiarar, vernepleiarar, miljøterapeutar, fagarbeidarar og assistentar saman for å tilby tenester av høg fagleg kvalitet. Vårt overordna mål er å levere teneste som bidreg til at brukarane får leve gode liv i tråd meg eigne føresetnadar, ynskje og behov.
Dette stiller krav til relasjonskompetanse, eignaheit og individuelt tilpassa tenesteyting i tråd med lovverk, nasjonale og lokale føringar. Du vil arbeide brukarnært med mellom anna pleie og omsorg, miljøarbeid og praktisk bistand til dagleglivets gjeremål.
Stillinga er lagt til avdeling 3 (Kvitveisen og Åsateigen) i Miljøarbeidartenesta som gjev tenester til mennesker med nedsatt funksjonsevne. I avdeling Kvitveisen tilbyr kommunen avlastning for barn med nedsatt funksjonsevne i kommunal avlastningsleilegheit og i privat heim. I avdeling Åsateigen tilbyr ein teneste til voksne i eigen heim. Vi treng deg som ser heile menneske, som har fokus på å skape gode og meiningsfulle kvardagar med fokus på løysingar og ikkje problem.
Vi har ledig:
- Fem 100 % faste stillingar
Det er også mogleg å jobbe frå 50-80% dersom dette er ynskjeleg. Vi har årsturnus med langvakter og arbeid kvar fjerde helg. Ein må påregne å stille på personalmøter, fagmøter, etc inntil seks gangar i løp av turnusåret.
Har du spørsmål til turnus eller stillingane? Ikkje nøl med å ta kontakt. Vurdering av søknadane og tilsetting vil bli gjort fortløpande.
Nøkkelinformasjon
Vi tilbyr
- Ein turnus organisert med langvakter med arbeid kvar 4.helg. Vi har personalmøter, fagmøter etc som er lagt i turnus inntil seks gangar i løp av turnusåret. Vi sender gjerne døme på ein turnus med langvakter.
- Opplæring og rettleiing på arbeidsstaden og via kurs som sikrer at du har den kompetansen du treng for å gjennomføre arbeidsoppgåvene dine.
- Ein meiningsfull jobb med kjekke kollegaer og moglegheit for fagleg og personleg utvikling
- Høgskulestudentar under relevant utdanning får ekstra lønnstillegg.
- Tilsetting, lønn og arbeidsvilkår i samsvar med gjeldande lovverk, reglement og tariffavtale.
Arbeidsoppgåver
Oppgåvene er brukarretta og tilpassast din kompetanse og opplæring. Dei består mellom anna av:
- Heilskapleg og personorientert pleie og omsorg
- Praktisk bistand til dagleglivets gjeremål
- Miljøarbeid og aktivitet
- Observasjon og dokumentasjon
Kvalifikasjonar
- Helsekompetanse; helsefagarbeidar, vernepleiar eller sjukepleiar
-
Deg som ynskjer å arbeide i omsorgsyrke sjølv utan formell fagkompetanse
- Erfaring frå arbeid innan helse er ein fordel, men ikkje eit krav
- Du må kunne snakke og skrive godt norsk
- Kunne nytte journal- og fagsystem
- Personleg eignaheit vil bli vektlagt i stor grad.
Vi ser etter deg som
- Har god omsorgsevne og er flink til å bygge relasjonar
- Har arbeidsglede og bidreg til eit godt arbeidsmiljø.
- Tek initiativ og har eit ynskje om å lære og utvikle deg innan faget.
- Har gode haldningar og er ansvarsbevisst
- Er løysingsorientert, samarbeidsvillig og fleksibel
For tilsetting gjeld ei gjensidig prøvetid på seks månadar. Det må leverast tilfredsstillande politiattest før tiltreding.
Adresse: Grandavegen 9, 6823 Sandane
Kontaktinformasjon
Om arbeidsgivaren
Gloppen kommune, med Sandane som kommunesenter, har om lag 5.800 innbyggjarar og er ein del av Nordfjord sin felles bu- og arbeidsmarknad på 40 – 50.000 menneske. Flyplassen i Nordfjord - Sandane lufthamn - ligg i Gloppen, og vi har gode kommunikasjonar til resten av fylket og landet.
Kommunen har eit stort og aktivt miljø innan musikk, idrett og kultur, og kommunen har vore kåra som både årets kulturkommune og årets musikkommune. Vi har flott natur og det er godt tilrettelagt for friluftsliv sommar som vinter. Vi har symjehall, idrettshall, kino og konsertsal. Fine forhold for stisykling. Her er alpinsenter og fleire langrennsløyper.
Gloppen har gode barnehagar og skular, og gode offentlege tenester. Kommunen har i tillegg til grunnskule og kulturskule også folkehøgskule og vidaregåande skule. Næringslivet i kommunen er variert og prega av optimisme.
