Barne- og ungdomsklinikken (BUK) er landets nest største barneavdeling, regionsjukehus på Vestlandet og førande i behandling av barnesjukdommar. Vi skal dekke lokale, regionale og enkelte nasjonale behov for spesialisthelsetenesta for barn og unge inntil fylte 18 år, og er lokalisert i Glasblokkene ved Haukeland universitetssjukehus.
Vi har eit kontinuerleg fokus på utvikling, samhandling og forbetring, og nyleg samla vi all utgreiing, behandling og oppfølging av barn innan somatikk og psykisk helsevern i Glasblokkene. Dette gir nye og spennande moglegheiter for framtida.
BUK har 67 senger fordelt på fem seksjonar: Nyføddintensiv, Medisin A, Medisin B, Medisin C og Barnekirurgi. I tillegg har vi Seksjon for legar, Seksjon for kontor, Energisenteret, Habiliteringstenesta og Stab. I 2023 hadde vi totalt 350 årsverk, om lag 4 000 innleggingar og 33 000 polikliniske konsultasjonar.
Les meir om oss: Barne- og ungdomsklinikken
Barne- og ungdomsklinikken flytta hausten 2023 inn i Glasblokkene, der vi mellom anna har eit eige mottak for barn og unge. BUK er no i ein prosess med å vidareutvikle det akuttmedisinske tilbodet. Prosjektet inneber mellom anna fremskoten kompetanse med overlege til stades i mottaket.
Vi søker difor ein barnelege med særleg interesse for akutt- og mottaksmedisin, og som ønsker å vere med på å vidareutvikle tilbodet i tett samarbeid med dei andre legane ved seksjonen. Stillinga inngår i eit prosjekt som vil bli evaluert undervegs.
Overlegen vil vere tilknytt Medisin C, som er seksjonen for generell pediatri, lungesjukdomar, infeksjonssjukdomar og allergi. Medisin C har ansvar for både Mottak for barn og unge og Barneovervakinga. Overlegar ved seksjonen deltar i postarbeid, poliklinikk og mottak.
Vi legg vekt på personlege eigenskapar som gode samarbeidsevner, pedagogiske ferdigheiter, høg arbeidskapasitet, hjelpsamheit, fleksibilitet og evne til å jobbe sjølvstendig og strukturert.
Vi søker primært ein spesialist i barnemedisin til denne stillinga, men legar i spesialisering innan barnesjukdomar med interesse for akuttmedisin er også velkomne til å søke. Vikariatet er for 1 år med mogleg forlenging.
19.09.2025
Helse Bergen HF
Bergen
Overlege
1
Heiltid
Vikariat
100
5008228459
13.10.2025
Arbeidsoppgåver
- Du vil ha dag til dag ansvar for behandling og oppfølging av inneliggande pasientar
- Du vil arbeide både på sengepost og i poliklinkk
- Du vil delta i 12 delt tilstades bakvakt etter kvalifikasjonar og klinikkens behov
-
Du vil vere delaktig i undervisning og rettleiing av legar, studentar og anna helsepersonell
Kvalifikasjonar
- Vi legg vekt på klinisk erfaring og fungering, særleg innan akutt og mottaksmedisin
- Forskarerfaring vil bli vektlagt
- Norsk autorisasjon som lege
- Godkjend spesialist i barnesjukdomar - eller lege i spesialistløp innan barnemedisin
- Gode samarbeidsevner og ønske om å vere del av eit tverrfagleg team
- Du må meistre norsk/skandinavisk språk munnleg og skriftleg
- God skriftleg dokumentasjonsevne
- Vedkomande som får tilbod om stillinga må legge fram godkjend politiattest (vandel) jf. Lov om helsepersonell § 20a
Personlege eigenskapar
- Du må kunne arbeide sjølvstendig
- Du må ha gode samhandlingsevner og må kunne kommunisere med barn og foreldre på ein god måte
- Du har god fagleg vurderingsevne, og arbeider strukturert og målretta på jobb
-
Du etablerer gode samarbeidsrelasjonar til alle nødvendige yrkesgrupper og samarbeidspartnarar
-
Du har oversikt over eigne oppgåver, også under skiftande omstende
- Du har eit godt lag og får frem det beste i dei andre
Vi tilbyr
- Godt arbeidsmiljø prega av kompetente medarbeidarar som er opptatt av å gjere ein god jobb
-
Lønn i samsvar med gjeldande overeinskomst
-
Fagleg og personleg utvikling
-
Gode pensjons- og forsikringsordningar
- Eit rikhaldig bedriftsidrettstilbod
Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.
Kontaktinformasjon
Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
