Trafikkoperatør VTS vest

Vi styrkjer laget og søkjer nye trafikkoperatørar til vegtrafikksentralen i Bergen.

Vegtrafikksentralane (VTS) er Statens vegvesens operative beredskapseining og er bemanna døgnet rundt, heile året. Dei har som nasjonal oppgåve å overvake og styre vegtrafikken for fylkeskommunane, Statens vegvesen og Nye Veier. Dei varslar og formidlar informasjon om status og hendingar på vegnettet. Dei fem sentralane er plassert i Oslo, Porsgrunn, Bergen, Trondheim og Mosjøen, og har ansvar for kvart sitt geografiske område.

VTS er døgnopen, og alle trafikkoperatørar går turnus med arbeid kvar 3. helg, i ein tredelt skiftplan med vakter på dag, kveld og natt. I helgene er det12 timars skift, med anten dag- eller nattarbeid.

Dei viktigaste oppgåvene til ein trafikkoperatør er styring og overvaking av vegnettet og vegtrafikken, samt formidling av trafikkinformasjon. Trafikkmeldingane vi lagar om hindringar på vegnettet, blir distribuerte via vegvesen.no/trafikk. Vegtrafikksentralane har i tillegg tett kontakt med media kvar dag, og vi betener også publikumstelefonen 175. Ved hendingar skal VTS ta ansvar og sette i verk naudsynte tiltak. Dette inneber utstrekt bruk av dataverktøy med loggføring, fjernstyring av tekniske installasjonar, handtering av tekniske alarmar, varsling og samarbeid med entreprenørar og politiet.

Ved spesielle hendingar, som trafikkulukker eller hendingar i tunnel, vil ein trafikkoperatør kunne ta imot naudtelefonar, handtere mange oppgåver samstundes, og framleis ha evna til å vurdere situasjonar ut frå eit tryggleiksperspektiv. Dette krev tett samarbeid med kollegaer, naudetatar, entreprenørar, byggherrar og dialog med publikum og media. Du vil òg yte beslutningsstøtte for drift og vedlikehald av vegar og veginstallasjonar.

Du må ha

• Minst 2 års utdanning på høgskulenivå innan relevante fagfelt, som operativ utdanning, veg og trafikk, eller media/kommunikasjon. Omfattande og relevant erfaring kan kompensere for formell utdanning.
• God forståing og ferdigheiter i bruk av dataverktøy, kartverktøy, og kunnskap om veg og trafikk.
• Evne til å kommunisere presist munnleg på norsk og engelsk, samt god skriftleg formuleringsevne.
• God simultankapasitet, konsentrasjonsevne og evne til å gjere vurderingar basert på rutinar og prosedyrar.
• Førarkort klasse B.

Det er ønskeleg med

• erfaring frå liknande arbeidsoppgåver, samt vilje og evne til å arbeide turnus (spesielt natt). Alle operatørar er ein del av ein fast turnus

Personlege eigenskapar

Vi ser etter deg som

• er tryggleiksmessig skikka og har god dømmekraft, pålitelegheit og lojalitet
• er sjølvstendig, ansvarsfull og har evna til å ta initiativ for å oppnå resultat
• har gjennomføringsevne og klarer å oppretthalde engasjement for å nå mål
• evnar å jobbe strukturert og systematisk etter prosedyrar og retningslinjer
• er analytisk, oppfattar det vesentlege og tek sunne og rasjonelle val, også i stressande situasjonar der oppgåver må prioriterast
• har gode samarbeidsevner og bidreg positivt inn i teamarbeid

Som tilsett i Statens vegvesen blir du ein del av eit solid og kunnskapsdelande fagmiljø. Du påverkar samfunnsutviklinga og får bidra til framtidas løysingar på ditt fagfelt. Vi gir deg ansvarsfylte oppgåver som gjer at du kan utvikle deg både fagleg og personleg. Dei som trivst og lykkast i stillinga, er komfortable med å styre og overvake vegnettet, i tett kontakt med publikum og kollegaer ved bruk av nødvendig teknisk utstyr. Dei får energi av å omstille seg raskt for å ta ansvar i stressituasjonar som tidvis oppstår.

Hos oss blir du ein del av eit engasjert og profesjonelt fagmiljø som deler kunnskap og arbeider tett saman med kollegaer i utfordrande og varierte arbeidsoppgåver. Medarbeidarane seier dei opplever ein spennande arbeidskvardag med samfunnsnyttige oppgåver og at stillinga gir god balanse mellom arbeid og fritid.

Vi tilbyr

Statens vegvesens obligatoriske opplæringsprogram for trafikkoperatørar består av lokal opplæring og Trafikkoperatørstudiet, som inneber noko reiseaktivitet og eigenstudium. Dette leiar fram til autorisasjon gjennom ein teoretisk og ein praktisk prøve.

Som tilsett i Statens vegvesen blir du ein del av eit solid og kunnskapsdelande fagmiljø. Du påverkar samfunnsutviklinga og får bidra til framtidas løysingar på ditt fagfelt. Vi gir deg ansvarsfylte oppgåver, og du vil få utvikle deg både fagleg og personleg, i takt med samfunnets nye utfordringar. Vi tek godt imot deg, og du blir ein del av eit fellesskap med godt arbeidsmiljø over heile landet. I tillegg tilbyr vi ei god pensjonsordning, yrkesskadeforsikring og moglegheiter for lån i Statens pensjonskasse.

Løn blir avtalt i samsvar med vår lønnspolitikk. I denne stillinga blir det utbetalt tillegg for ubekvem arbeidstid i tråd med gjeldande avtaleverk.