Om stillinga
Utekontrollavdelinga i Statens vegvesen har ansvar for å kontrollere køyretøy og trafikantar langs vegen. Vi jobbar for at ingen skal bli drepne eller hardt skadde i trafikken, og at transportbransjen får like konkurransevilkår.
Arbeidsoppgåver
Du skal jobbe med teknisk kontroll av køyretøy langs vegen, i hovudsak tunge køyretøy. For å luke ut trafikkfarlege køyretøy og sjåførar samarbeider vi også med politiet, tollvesenet, arbeidstilsynet og andre offentlege etatar. I tillegg til å kontrollere køyretøy skal du jobbe med saksbehandling og administrative oppgåver.
Som utekontrollør er du ansiktet vårt utetter, og må forvalte lov og forskrift i direkte dialog med sjåførar. Samtidig som du varetek styresmaktsrolla, må du sjå det som ei positiv utfordring å møte folk på ein god måte. Det er derfor vesentleg at du har evne og motivasjon til å setje deg inn i og forvalte regelverket.
Du jobbar etter fastsett turnus, og noko av arbeidstida er på kveld, natt og helg. Stillinga inneber reiseverksemd.
Jobben som utekontrollør betyr mye for mange | Statens vegvesen
Kvifor skal du velje oss?
Som tilsett i Statens vegvesen blir du ein del av eit solid og kunnskapsdelande fagmiljø. Du påverkar samfunnsutviklinga og får bidra til framtidsløysingane på ditt fagfelt. Vi gir deg ansvarsfulle oppgåver og du vil få utvikle deg, både fagleg og personleg, i takt med dei nye utfordringane i samfunnet. Vi tek godt i mot deg, og du blir ein del av ein fellesskap med godt arbeidsmiljø i heile landet.
Vi tilbyr deg også desse goda:
- fleksitid og gode ordningar for avspasering
- god pensjonsordning og moglegheiter for lån i Statens pensjonskasse
- moglegheit for trening i arbeidstida eller støtte til treningsaktivitet
- gode moglegheiter for fagleg påfyll
Lønna di blir avtalt i samsvar med lønnspolitikken vår.
Kompetansekrav
Du må ha
- fagbrev som mekanikar tunge køyretøy, eventuelt fagbrev landbruks- eller anleggsmaskin
- førarkort i klasse B, og dessutan fylle vilkåra for førarrett i resten av førarkortklassane
- god munnleg og skriftleg framstillingsevne på norsk
- munnleg framstillingsevne på engelsk
- god erfaring med bruk av digitale verktøy
Det er ein fordel om du har
- fagskule bil- eller maskinteknikk, eller har utdanning som maskiningeniør
- gjennomført og bestått kurs i periodisk køyretøykontroll (PKK), godkjent av bilbransjen
- førarkort i klassane CE og DEI
- god munnleg og skriftleg framstillingsevne på fleire språk
Dersom du har teke heile eller deler av utdanninga di i utlandet, ber vi om ei autorisert oversetjing av papira dine og godkjenning frå HKDIR (https:hkdir.no/utdanning-fra-utlandet).
Kva ønskjer vi oss av deg?
Om du blir tilsett, må du gjennomføre den modulbaserte opplæringa vår. Dette er ei samlingsbasert opplæring og e-læring med praksisrettleiing på eigen arbeidsplass.
I tillegg til faglege kvalifikasjonar, leitar vi også etter rette eigenskapar, haldningar og motivasjon. Til denne stillinga er vi på utkikk etter ein kollega som har desse eigenskapane:
- kommuniserer godt med andre
- er roleg og snarrådig i krevjande situasjonar
- samarbeider godt og er ein god lagspelar
- har ein høg etisk standard og er lojal og pliktoppfyllande
- har evne til å jobbe sjølvstendig, systematisk og nøyaktig etter rutinar
- er ein bidragsytar til eit godt arbeidsmiljø
Som tilsett i Statens vegvesen er det dessutan viktig at du er tryggingsmessig skikka og har god dømmekraft, pålitelegheit og lojalitet.
Du må ha plettfri vandel.
Om søknadsprosessen
Krav til søknaden
Fyll ut feltane "Utdannelse" og "Arbeidserfaring" og last opp relevante vitnemål og eventuelle attestar.
Testar og bakgrunnssjekk
Arbeidspsykologiske testar kan inngå som ein del av rekrutteringsprosessen vår, for å vurdere kandidatars eigenskapar, ferdigheiter og kvalifikasjonar for stillinga. Slike testar kan bidra til å støtte ei rettferdig og objektiv vurdering av kandidatane, og hjelpe oss med å finne den mest kvalifiserte personen for stillinga. Vi bruker også bakgrunnssjekk på utvalde stillingar for å verifisere og søkje etter informasjon som kan ha noko å seie for rekrutteringsprosessen.
Positiv særbehandling
Statens vegvesen verdset mangfald og ønskjer ein inkluderande arbeidsplass. Vi oppmodar alle kvalifiserte kandidatar til å søkje. Kvalifiserte søkjarar med funksjonsnedsetjing, hol i CV-en eller innvandrarbakgrunn vil få moglegheit for positiv særbehandling. Les meir om positiv særbehandling på DFØ Arbeidsgiverportalen.
Søkjarlista er offentleg
Dersom du ønskjer å reservere deg frå oppføring på offentleg søkjarliste, må dette grunngivast. Om vi ikkje kan ta ønsket ditt til følgje, tek vi kontakt med deg.
Om Statens vegvesen
Statens vegvesen er hjartet i Noregs vegsektor, og vi jobbar kvar dag for å sikre eit effektivt, trygt og heilskapleg transportsystem. Som den største aktøren innan vegtransport i Noreg, har vi ansvaret for riks- og europavegane, samt tryggleiken til alle som ferdast langs vegen. Vårt oppdrag er å planleggje, byggje, drifte og vedlikehalde denne kritiske infrastrukturen.
Vi utviklar regelverk og standardar som gjeld for alle vegeigarar i Noreg, og gjennom vårt arbeid med trafikantar og køyretøy, ny teknologi og digitale tenester, sørgjer vi for at både folk og næringsliv har tilgang til enkle, effektive, trygge og miljøvennlege transportmoglegheiter.
Statens vegvesen består av to forvaltningsnivå - eit direktorat og seks landsdekkande divisjonar, som saman jobbar for å gjere vegane våre betre for alle.
Spørsmål om stillinga
Espen Heitmann
Fungerende kontorsjef
+4751911652
Søk stillinga
Søknadsfrist
18. august 2025
Arbeidsgivar
Statens vegvesen
Kommune
Omfang
Heiltid (2 stillingar)
Varigheit
Fast
Arbeidsstad
