Plassen 2, 6856 Sogndal
Om jobben
Type ansettelse
Vikariat, heltid 100%
Arbeidsspråk
Norsk
Antall stillinger
1
Søk senest tirsdag 17. juni
Har du lyst å vere del av eit dedikert tverrfagleg team og forme kommunen si psykiske helseteneste for barn, unge og deira familiar?
Me søker ein engasjert kommunepsykolog i eit års vikariat (100%) knytt til helsetasjonen sitt tilbod: Barn-, ungdom- og familiestøtte. Dette er eit lågterskel psykisk helsetilbod for barn og unge (0–20 år) og deira foreldre. Tilbodet omfattar individuell oppfølging, gruppetilbod, foreldrerettleiing og støtte til tilsette.
Som kommunepsykolog vil du bidra til å utvikle eit samordna psykisk helsearbeid i tett samarbeid med skulehelseteneste, helsestasjon og andre fagmiljø. Du vert del av eit tverrfagleg team med bl.a. familierettleiarar, pedagogar og ungdomslosar, og vil jobbe både førebyggjande, helsefremjande og behandlande. Som del av det tverrfaglege teamet vil du spele ei sentral rolle i å styrke primærhelsetenesta ved å følgje opp barn og unge som står i fare for, eller har utvikla, psykiske plagar. Me jobber etter den tverrfaglege modellen "Betre tverrfagleg innsats".
Arbeidsoppgåver
Tverrfagleg samarbeid med andre kommunale instansar og tilsette som arbeider med barn og unge.
Klinisk arbeid med barn, ungdom og deira familiar.
Vidareutvikling av lågterskel- og gruppetilbod.
Samarbeid med og tilvising til spesialisthelsetenesta.
Styrke kommunen sin kompetanse på psykisk helse gjennom undervisning og rettleiing.
Bidra til fagutvikling og systemisk utviklingsarbeid.
Me ser etter deg som har engasjement for førebyggande arbeid og tidleg innsats og som ønsker å bidra med å styrke det psykiske helsearbeidet for barn og unge i kommunen vår. Det blir vektlagt at du er effektiv, strukturert og løysingsorientert. Du må trivst med både sjølvstendig arbeid og samarbeid i team.
Kvalifikasjonar
Norsk autorisasjon som psykolog
Relevant yrkeserfaring vil bli vektlagt
Kompetanse eller erfaring med utviklingsarbeid og rettleiing er ynskeleg, men ikkje eit krav
Førarkort klasse B
Gyldig politiattest
Gode norskkunnskapar, munnleg og skriftleg
Me tilbyr
Ein meiningsfylt jobb der du bidrar med å styrke det psykiske helsearbeidet for barn og unge
Samarbeid i eit engasjert tverrfagleg team
Godt samarbeid med andre tenester i kommunen
Opplæring, rettleiing og støtte i jobben
Varierte arbeidsdagar og fleksitid
Reiseverksemd i heile kommunen må påreknast.
Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.
Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
Link til søknadsskjema: Søk her
Kontaktperson for stillingen
Frida Bråten
[email protected]
Om bedriften
Velkommen til fagre Sogn! Staden der du kan kombinere ei spanande karriere med eit liv i frisk luft og fantastiske omgjevnadar. Sjekk ut sogn.no for fleire grunnar til å kome til Sogndal og Sogn. Sogndal kommune vart etablert 01.01.2020 etter kommunereforma. Det er ca. 12.000 innbyggjarar i kommunen, i tillegg er me vertskommune for over 3.000 studentar gjennom studieåret. Sogndal er regionsenteret i Sogn. Kommunen har om lag 1300 medarbeidarar. Kvar dag leverer me gode tenester i tråd med innbyggjarane og næringslivet sine behov. Me har sett oss som mål å vere ein framtidsretta og kunnskapsbasert samfunnsutviklar med fortrinn innan reiseliv, unike kompetansemiljø og innovasjon. Tilgjengelegheitserklæring: https://uustatus.no/nn/erklaringer/publisert/187f2156-519b-4500-aa98-4e70dee1f837
Sektor
Offentlig
Annonsedata
Hentet fra
visma-easycruit
Referanse
3510401_211973_nn
Report job
