Storehagen 1A, 6800 Førde, Hjemmekontor ikke mulig
Om jobben
Stillingstittel
Museumsvert Sogn og Fjordane kunstmuseum
Type ansettelse
Fast, heltid 100%
Arbeidsspråk
Norsk eller engelsk
Antall stillinger
1
Søk senest søndag 31. august
Om stillinga
Vi har ledig stilling som museumsvert ved Sogn og Fjordane Kunstmuseum i Førde. Vi søkjer ein person med interesse og engasjement for museum og kunst, og som evnar å spegle dette i ei vertskapsrolle. Museumsverten er vårt ansikt utad, og skal yte sørvis og gje god informasjon til dei ulike publikumsgruppene og besøkande på museet.
Som museumsvert vil du ha ansvar og oppgåver knytt til:
Du vil arbeide med både praktiske og administrative oppgåver.
førstelinjetenester (resepsjon, telefon, e-post, SoMe)
booking og utleige
museumsbutikk og kiosk / enkel servering
marknadsføring og informasjon til publikum
rapportering sal, fakturering, månadsoppgjer og besøksstatistikk
planlegging, praktisk førebuing og gjennomføring interne og eksterne arrangement
opplæring sommarvertar
enkle formidlingsoppgåver
støtte til museumsleiar og museumspedagog
Stillinga rapporterer til avdelingsdirektør kunst, medan det daglege arbeidet på museet blir koordinert av museumsleiar. I tillegg til å vere del av det stadlege teamet på Sogn og Fjordane Kunstmuseum, vil du også bidra til å løyse andre oppgåver i kunstavdelinga, i samarbeid med tilsette på andre stadar.
Arbeidet vil vere prega av sesongsvingingar, og du må rekne med intensive arbeidsperiodar, så vel som noko arbeid på kveldstid og i helg. Stillinga har noko reiseverksemd i samband med deltaking på interne arrangement.
Sogn og Fjordane Kunstmuseum
Sogn og Fjordane Kunstmuseum er museet for visuell kunst nord for Sognefjorden. Museet formidlar både kunsthistorie og samtidskunst, og forvaltar ei samling på over 1400 kunstverk.
Gjennom året kan du sjå skiftande utstillingar med samtidskunst, eller fordjupe deg i utstillingar med verk frå dei ulike kunstsamlingane i Musea i Sogn og Fjordane.
Publikumstilbodet vårt omfattar også arrangement og formidlingsoppplegg for ulike målgrupper. Museet held ope heile året, og har museumsbutikk og kafe.
Les meir på Sogn og Fjordane Kunstmuseum sin nettstad.
Kvalifikasjonar
Vi søkjer deg som har:
fullført vidaregåande opplæring, fortrinnsvis innan sal, service og reiseliv
interesse for museum og vertskapsrolla
gode skriftlege og munnlege kommunikasjonsevner på norsk og engelsk
førarkort kl. B
teft for vertskapsrolla og interesse for folk
erfaring med administrative oppgåver
interesse for arbeid i og med tekniske løysingar og digitale plattformar
erfaring med sal/butikkdrift
erfaring frå prosjektarbeid
Personlege eigenskapar
Vi søkjer deg som:
er trygg i vertskapsrolla
er open og omgjengeleg
har gode samarbeidsevner
arbeider sjølvstendig, metodisk og systematisk
er stødig og til å lite på
trivst med utfordringar og variasjon i arbeidsoppgåver
Generell informasjon
Som tilsett i Musea i Sogn og Fjordane vil du vere del av eit dynamisk arbeidsmiljø med høg kompetanse og stort engasjement.
Vi nyttar nynorsk som administrasjonsspråk og i skriftleg kommunikasjon med eksterne.
Stillinga som museumsvert blir løna etter avtale, og har stillingskode 1065 jf. Landsoverenskomsten for museer og andre kulturinstitusjoner.
Nærare opplysningar får du ved å vende deg til museumsleiar Mayra Henriquez på tlf. 995 18 580.
Søknad med vedlegg registrerer du via lenka "Søk stillinga" på denne sida.
Ved spørsmål som gjeld elektronisk søknadsskjema tek du kontakt med Jobbnorge på tlf. 75 54 22 20 eller [email protected] kvardagar mellom 08:00-16:00
Kontaktperson for stillingen
Mayra Henriquez
Museumsleiar
+4799518580
[email protected]
Om bedriften
Musea i Sogn og Fjordane driftar og utviklar tolv ulike museum mellom fjord og fjell i Sunnfjord, Nordfjord og Sogn. Årleg gjev vi nær 60 000 innbyggarar og tilreisande kunnskap og opplevingar innan kulturhistorie og kunst.
Samlingane våre spenner frå urban kunstscene til eldgamle bygningar og skikkar. Frå pulserande historiske kystsamfunn til malaren Nikolai Astrup sitt småbruk i Jølster. Frå lafta utedassar og eksport av kvernsteinar i vikingtida, til ein Ford Escort frå 1980-talet og rykande ferske kunstinstallasjonar. Fortid og samtid.
Vi har kring 60 fast tilsette medarbeidarar, og fleire mellombels tilsette i sesong. Museumsvertar, museumspedagogar, museumsleiarar, konservatorar og handverkarar med fleire, jobbar på dei ulike musea. Les meir på Musea i Sogn og Fjordane sin nettstad.
Sektor
Offentlig
Nettsted
https://misf.no/
Annonsedata
Stillingsnummer
d8d93d59-fe91-4175-9038-0e3377403658
Hentet fra
jobbnorge
Referanse
10259047
Report job
