Brendøyvegen 25B, 6900 Florø, Hjemmekontor ikke mulig
Om jobben
Stillingstittel
Museumsvert Kystmuseet
Type ansettelse
Fast, heltid 100%
Arbeidsspråk
Norsk eller engelsk
Antall stillinger
1
Søk senest søndag 31. august
Om stillinga
I avdeling kulturhistorie har vi ledig stilling som museumsvert med hovudarbeidsstad på Kystmuseet i Sogn og Fjordane. Vi søkjer ein person med interesse og engasjement for museum og kulturhistorie, og som evnar å spegle dette i ei vertskapsrolle. Museumsverten er vårt ansikt utad, og skal yte sørvis og gje god informasjon til dei ulike publikumsgruppene og besøkande på museet.
Som museumsvert vil du ha ansvar og oppgåver knytt til:
førstelinjetenester (resepsjon, telefon, e-post, SoMe)
booking og utleige
museumsbutikk og kafe med enkel servering
marknadsføring og informasjon til publikum
rapportering sal, fakturering, månadsoppgjer og besøksstatistikk
planlegging, praktisk førebuing og gjennomføring interne og eksterne arrangement
opplæring sommarvertar
enkle formidlingsoppgåver
støtte til museumsleiar og museumspedagog
Du vil arbeide med både teoretiske, utøvande, praktiske og administrative oppgåver.
Stillinga rapporterer til avdelingsdirektør kulturhistorie, medan det daglege arbeidet på museet blir leia av museumsleiar. I tillegg til å vere del av det stadlege teamet på Kystmuseet, vil du også bidra til å løyse oppgåver i avdelinga, i samarbeid med andre museumsvertar på musea våre, og på andre formidlingsarenaer.
Arbeidet vil vere prega av sesongsvingingar, og du må rekne med intensive arbeidsperiodar, så vel som noko arbeid på kveldstid og i helg. Stillinga har noko reiseverksemd i samband med deltaking på interne arrangement og drift av den sesongopne museumsarenaen på Vågsberget ved Måløy.
Kystmuseet i Sogn og Fjordane
Kystmuseet ligg ved skjærgarden i Florø - landets vestlegaste by. Her får du oppleve lukta av gamle båtar og kystkultur, oppdage lokale båttypar frå ei svunnen tid, og vandre gjennom kystlandskap med historiske sjøbuer og kystlynghei.
Publikumstilbodet vårt omfattar utstillingar, arrangement og formidlingsoppplegg for ulike målgrupper. Museet held ope heile året, og i hovudbygget har vi ein enkel museumsbutikk og kafe.
Vi driv også den sesongopne areanen Vågsberget handels- og gjestgjevarstad i Vågsøy. Det freda anlegget er eit av landets best bevarte av sitt slag.
Les meir på Kystmuseet i Sogn og Fjordane sin nettstad.
Kvalifikasjonar
Vi søkjer deg som har:
fullført vidaregåande opplæring, fortrinnsvis innan sal, service og reiseliv
interesse for museum og vertskapsrolla
gode skriftlege og munnlege kommunikasjonsevner på norsk og engelsk
førarkort kl. B
teft for vertskapsrolla og interesse for folk
erfaring med administrative oppgåver
interesse for arbeid i og med tekniske løysingar og digitale plattformar
erfaring med sal/butikkdrift
erfaring frå prosjektarbeid
Personlege eigenskapar
Vi søkjer deg som:
er trygg i vertskapsrolla
er open og omgjengeleg
har gode samarbeidsevner
arbeider sjølvstendig, metodisk og systematisk
er stødig og til å lite på
trivst med utfordringar og variasjon i arbeidsoppgåver
Generell informasjon
Som tilsett i MiSF vil du vere del av eit dynamisk arbeidsmiljø med høg kompetanse og stort engasjement.
Vi nyttar nynorsk som administrasjonsspråk og i skriftleg kommunikasjon med eksterne.
Vil tilbyr pensjonsordning via KLP.
Stillinga som museumsvert blir løna etter avtale, og har stillingskode 1065 jf. Landsoverenskomsten for museer og andre kulturinstitusjoner.
Nærare opplysingar får du ved å vende deg til museumsleiar Annette Holme på tlf. 95 73 43 77.
Søknad med vedlegg registrerer du via lenka "Søk stillinga" på denne sida.
Ved spørsmål som gjeld elektronisk søknadsskjema tek du kontakt med Jobbnorge på tlf. 75 54 22 20 eller [email protected] kvardagar mellom 08:00-16:00
Kontaktperson for stillingen
Annette Langedal Holme
Museumsleiar
+4795734377
[email protected]
Om bedriften
Musea i Sogn og Fjordane driftar og utviklar tolv ulike museum mellom fjord og fjell i Sunnfjord, Nordfjord og Sogn. Årleg gjev vi nær 60 000 innbyggarar og tilreisande kunnskap og opplevingar innan kulturhistorie og kunst.
Samlingane våre spenner frå urban kunstscene til eldgamle bygningar og skikkar. Frå pulserande historiske kystsamfunn til malaren Nikolai Astrup sitt småbruk i Jølster. Frå lafta utedassar og eksport av kvernsteinar i vikingtida, til ein Ford Escort frå 1980-talet og rykande ferske kunstinstallasjonar. Fortid og samtid.
Vi har kring 60 fast tilsette medarbeidarar, og fleire mellombels tilsette i sesong. Museumsvertar, museumspedagogar, museumsleiarar, konservatorar og handverkarar med fleire, jobbar på dei ulike musea. Les meir på Musea i Sogn og Fjordane sin nettstad.
Sektor
Offentlig
Nettsted
https://misf.no/
Annonsedata
Stillingsnummer
8ed5cb5c-dbb7-417b-a50c-7970c738cf1f
Hentet fra
jobbnorge
Referanse
10258687
Report job
