Aukra kommune Oppvekst og kultur

Nyjordvegen 12 , 6480 Aukra

Om jobben

Stillingstittel

Einingsleiar

Type ansettelse

Fast, heltid 100%

Arbeidsspråk

Norsk

Antall stillinger

1

Søk senest mandag 7. juli

Om eininga/avdelinga

Eining for innvandring og integrering har ansvar for etablering og kvalifisering av flyktningar som blir busette i kommunen, vaksenopplæring, drift av døgnbemanna bufellesskap og oppfølgingsteam for einslege mindreårige flyktningar. Eininga er del av sektor for Oppvekst og kultur. Vi søker no etter ny einingsleiar. Eininga har eit samla ansvar for arbeid med flyktningar, asylantar og arbeidsinnvandrarar i kommunen.

Aukra kommune har over mange år busett mange flyktningar. Dei fleste finn seg godt til rette i Aukra og blir verande i kommunen. Eininga kan vise til gode resultat med tanke på overgang til arbeid og utdanning, og har vore ein pådrivar i arbeidet med integrering og inkludering. Eininga arbeider kontinuerleg med å tilpasse tenesta etter innbyggjarane sine behov.

Arbeidsoppgåver

Einingsleiar for Innvandring og integrering skal leie arbeidet med å koordinere introduksjonsprogrammet for nybusette flyktningar. Videre skal leiaren utvikle Aukra kommune sitt arbeid med mangfald, integrering og inkludering, og bidra til god samhandling med frivillige organisasjonar, andre kommunale avdelingar, offentlege etatar og lokalt næringsliv. Eininga har òg ansvar for å organisere tilbod om vaksenopplæring for flyktningar og innvandrarar, samt ansvar for drift av avdeling for einslege mindreårige flyktningar. Einingsleiar har eit overordna ansvar for drift og økonomi, og personalansvar for alle avdelingane.

I eininga sin administrasjon er det 6 tilsette; 3 programrettleiarar og 3 miljørettleiarar. Vaksenopplæringa har avdelingsleiar i 40% stilling og 3 – 4 lærarar. Desse to avdelingane er samlokaliserte. I avdeling for einslege mindreårige har ein koordinator det faglege ansvaret. I denne avdelinga er det til saman 8 tilsette. Til saman er det om lag 20 tilsette i eininga.

Som einingsleiar er du ein del av kommunedirektøren si leiargruppe. Leiargruppa har månadlege møte.

Krav til søkar

Aukra kommune søker ein einingsleiar med erfaring frå kommunalt integrerings- og inkluderingsarbeid, og som har engasjement for arbeid med flyktningar. Vi ønsker oss ein leiar som kan samarbeide på tvers av fagområde, som kommuniserer godt internt og eksternt og som er ein lagspelar. Du må vere ein tydeleg leiar som arbeider målretta og strategisk til det beste for brukarane, organisasjonen og lokalsamfunnet. Relevant høgare utdanning og leiarerfaring er ønskeleg.

Personlege eigenskapar:
Du er løysingsfokusert, fleksibel og utviklingsorientert

Du har evne til å inspirere og motivere medarbeidarane, og til å skape eit godt arbeidsmiljø

Du er strukturert og kan planlegge i tråd med kommunen sine overordna planer

Du er handlekraftig og har gjennomføringskraft

Du kommuniserer godt internt og eksternt, og er opptatt av å bygge gode relasjonar

Vi legg vekt på at du har dei personlege eigenskapane vi ser etter

Vi tilbyr

Deltaking i ei engasjert og aktiv tverrfagleg leiargruppe
Gode pensjons- og forsikringsordningar
Kommunale tilsettingsvilkår med løn etter avtale
Stønad frå eige fond for etter- og vidareutdanning
Flyttegodtgjersle etter kommunalt regelverk

Mangfald

Aukra kommune er opptatt av mangfald, og vi oppmodar alle kvalifiserte kandidatar til å søke jobb hos oss. Aukra kommune er IA-verksemd, og vil legge til rette for søkarar med redusert funksjonsevne.

Prøvetid

Gjensidig effektiv prøvetid på 6 månadar. Ved lengre fråvær kan utvida prøvetid vere aktuelt.

Søkarliste

Om du ønskjer å reservere deg frå oppføring på offentleg søkarliste, må du opplyse om og grunngje dette i søknaden. Opplysningar kan bli offentleggjort sjølv om du har bede om ikkje å bli oppført på søkarlista, jf. Offentleglova § 25. Du blir varsla dersom ønsket om reservasjon ikkje vert tatt til følgje.

Søknad sendast

Aukra kommune nyttar elektronisk søknadsbehandling. Vi ber derfor om at du fyller ut elektronisk søknadsskjema via funksjonen "Søk på stilling"

Søknadsfrist: 07.07.25 Utlyst dato: 10.06.25Kontaktperson

Kommunalsjef for Oppvekst og kultur Jan Erik Hovdenak, tlf. 924 14 627

Link til søknadsskjema: Søk her
Kontaktperson for stillingen

Jan Erik Hovdenak

92414627

ja.erik.hovdenak@aukra.kommune.no

Om bedriften
Aukra kommune er ein øy- og fastlandskommune på kysten av Romsdal og er kjent for sin robuste økonomi. Kommunen har 3700 innbyggarar og er ein vekstkommune. Med ilandføring av gass frå Ormen Lange-feltet og som gassknutepunkt for Norskehavet, er kommunen sikra eit unikt utgangspunkt for eit allsidig nærings- og kulturliv og godt utbygde tenester. Kommunen si plassering innbyr til friluftsaktivitetar både til sjøs og til lands. Avstanden til kultur-, fotball- og industribyen Molde er kort. Aukra kommune har omlag 450 tilsette. Kommunedirektøren er øvste leiar for administrasjonen, som er organisert i 4 sektorar leia av kvar sin kommunalsjef med eigen fagstab. I kvar sektor er det einingsleiarar med ansvar for sine fagområde, til saman 13 einingar. Kommunen har gode utviklingsmoglegheiter og står overfor mange interessante prosjekt og store utfordringar.

Sektor

Offentlig

Annonsedata

Hentet fra

visma-easycruit

Referanse

3513179_189809_nn